Kagelow Mt.Fuji Hostel 遊日住宿呃Like推介 平住河口湖型格民宿

早前本報介紹過嘅日本首間露營旅館，富士山靚景一絕，設備超級齊全，難怪大家反應熱烈，弊在貴左少少，未必人人捨得畀幾千蚊住一晚。想要貼地啲嘅選擇，河 口湖附近有一間平價型格民宿推介，話說區內住宿選擇雖然唔少，但一係就貴，一係就舊，一係景觀麻麻，而Kagelow Mt.Fuji Hostel就一次滿足晒你三個願望，再加埋交通方便，基本上係贏得非常漂亮。

房間可遠眺富士山靚景，仲有得瞓榻榻米，呢啲體驗都幾特別。

講番民宿少少背景，原址其實係一間老字號旅館，可惜 老闆搵唔到後人繼承，逼住結業，建築物亦因而被荒廢。然後去年，一班志同道合土生土長嘅年青人決定接力，將舊旅館重裝大改造，變身型格民宿，利用大量過百 年木材營造出另類工業風，hostel房間有榻榻米同睡床選擇，大部份房間都可以眺望富士山（預訂前可先查詢），合宿房間每位$320起，而私人房間連雙 人床都只係$630起，實在相當抵住。其他加分位，民宿上下職員（清潔姐姐除外）都能講流利英語，附近有齊便利店、藥妝店，亦有文青系靚單車出租，雖然唔 係幾好踩，但用嚟影相呃Like一流，距離河口湖車站或河口湖都只係十數分鐘腳程，平路是也，相當方便。記者：盧懿靜

相片由Kagelow Mt.Fuji Hostel提供

Kagelow Mt.Fuji Hostel Agoda連結

http://hk.apple.nextmedia.com/realtime/supplement/20160609/55202442

http://yudingasia.com/1011

 

Kagelow Mt.Fuji Hostel 遊日住宿呃Like推介 平住河口湖型格民宿