yuding.asia 預訂亞洲預訂你的世界之旅: 象島Resort　三樓滑梯瀡入泳池

唔知你有無留意敝報旅遊版早排嗰份泰國象島潛水稿，坐我隔籬位同事睇完條片立即想問：「島上住宿掂唔掂先？」象島少香港人去，但唔代表當地旅遊業落後，相反，象島可以話係個靠旅遊而生的島，島上開滿酒店，而且大部份靠海，勁有度假feel。當泳池已經是每間酒店的必備設施，私人沙灘都越來越普及，仲有乜嘢可以突圍？或者係一條滑梯！

KC Grande Resort& Spa位處象島最長兼最出名的White Sand Beach，佔地相當大，分Beachside和 Hillside兩邊，單是房型都有10種，Ocean View、Jacuzzi Deluxe⋯⋯唔數了，反正住過，舒服。入正題，在Hillside的游泳池邊上有一條長長的滑梯拐個彎繞上三樓，唔敢講「此乃島上唯一有滑梯的酒店」，但幾可以肯定這是島上最長的滑梯。驟眼睇以為無乜嘢，試過先知兩層半高的滑梯都唔係講笑，速度快，離心力強，插入水一刻總係不能自已。有片為證自己睇！

滑梯設於泳池角落，唔會影響其他泳客。